可口可樂珍藏杯@McDonald

從依婦人(wakaka...升呢喇)那兒得知有野換~~~~~~~~~~~~COCA-COLA glass mug~~~自從愈來愈大(愈來愈老)之後, 已開始對呢d換野行為減少了很多.....由其係每當執屋時, 就會發覺原來都side左好多錢架喇.......

不過, 今次非常合心意呀!!! 愛佢因為夠classic, 亦夠colourful^^

剛才LUNCH的時候去買回來吃, 六隻色當中, 藍色已無貨喇~~~個個排隊既客人都係講同一句: 唔係化~~~今次先開始咋WOR~~~誇呀!

*****************************************************************

由7月30日起, 購買一份加大版的麥當奴套餐, 就可免費獲得Coca Cola珍藏版玻璃杯一隻...... 一套6個顏色; 如果想快些集齊一套, 就可以付出$120立即得到6隻杯。

 

後記 @Aug 2 :

香港人真係好瘋癲的...

day1 @ 30/7 =>pink+grey

換左2隻...換第二隻時, 見佢返齊d color喇, 咁唸住原來好快就補到貨既...咁唔駛咁驚啦...哈哈...不過同時亦唸緊...究竟邊隻色會多人like呢...換左多人like既先...不過真係唔知wor.......是日食左個半加大餐...呆呆地...同榮仔講好明晚先再食喇~

day2 @ 31/7 =>lime

lunch time, 心思思都係落去買啦...去到見到個條隊...不得了!! 排到差d出門口wor!!! ...........今日咩日子呢??? ........我唔記得幾耐無試過去M記買野要排over半粒鐘 (定係我根本無試過架呢?).....群情洶湧......一方面個心起勢講 "有無咁誇呀"....一邊暗誇自己好彩有落來...wakaka....才12點幾, 無晒Blue 同Purple.....睇來blue係最受歡迎的.......

晚間榮叔買dinner回來, 叫佢睇到有purple先好買....結果係....乜色都無晒喇!! (誇誇誇誇誇!!!!!)...............更誇既係, 榮叔話雖然無晒杯, 但M記仲係比平時多人!

day3 @1/8 =>purple

由於昨天的誇啦啦情況, 今日lunch又落去喇....今日好d, 排左3-4個字姐, 杯既色都齊晒喇....排隊時聽到C9甲講, 原來昨天成個FL區都無晒杯換....wakaka.....同時, 聽到阿C9乙話今日換既第10隻同11隻換咩色好呢...OMG!!! 即係兩日食左8個加大餐?  好想問佢屋企有幾多人.......

今日換成SET既比昨日還多............好彩.......我完成呢項歷史任務喇...!!

多謝密柚早在day1幫我換左 blue & gn ^^

 

香港人真係好瘋癲的........我...........我都係香港人..........................wakakakakakaka

Rainbow吸塵機

經Frances的介紹, 今日約了呢間公司的人上來做demo~~~主要是做一個除床褥塵埃蟎的service...

佢主要sell 減少空氣中的塵埃和吸塵...還有清潔床品和床褥, 仲有香氣釋放功能~

一個多小時的示範, 最吸引係清潔枕頭同埋床褥呢兩個功能...另外佢跟的配件中有好幼的管FOR吸雪櫃底那些窄窄難攪的位置

需然覺得真的不錯, 可是那個價錢, 當然要考慮 (就是考慮啦).....最攪笑係榮仔居然有興趣..佢問左唔少問題wor....佢會開口問得, 應該對呢件產品認同的 (因為真係見到吸出來的東西...單單係fan, 十秒已clean多了)

佢地講解的過程中, 自己邊聽邊過濾呢部機的性能...有無邊度誇大呢...之後上網找了些資料, 果然如自己所想的一樣 : http://www.allercure.com/cwvacuum.htm

總結: 它是一部很貴的吸塵機, 吸力, 效果也很強, 擁有它做家務時真有幫助...由其清潔床褥床品, 你會覺得很爽;  但不要相信有空氣淨化功能, 那只是香氣釋放功能only.

如果有閒錢, 可考慮入手這部貴貴的家電的 =)

http://www.rainbowsystem.com/rainbowsystem/main/?lg=english



**********************************************

水濾式及傳統吸塵機比較

徹底清潔家居是每日不可缺的工作，現時尤甚。

消費者若考慮購買新式的水濾式吸塵機，可參考消費者委員會的最新測試報告。測試樣本包括四款水濾式吸塵機，售價由$4,000至$18,000。

消委會於上月公布了傳統吸塵機的測試報告，13款罐筒型吸塵機樣本售價介乎$300至$2,700之間。

是次測試發現水濾式吸塵機的防止塵埃釋出能力整體較傳統吸塵機強，注重室內空氣質素的人士可能會認為這類吸塵機物有所值。

有研究指塵埃及其排泄物都可能是致敏原，吸頭移動時亦會引致塵土飛揚，故此敏感或哮喘病患者不宜自己動手吸塵，家中吸塵時亦最好暫時離開。

有部分水濾式吸塵機推銷員聲稱吸塵機可同時用作空氣清新機，但這類吸塵機不是為過濾空氣而設，未必適用於非原先設計的用途。

整體來說，樣本於木地板上和牆角吸塵、清理地毯上的纖維或棉線都表現滿意，但吸木地板罅隙和地毯上的塵時，表現較遜，需要多掃一兩下。

所有樣本都通過大部分安全測試。這類水濾式型號的清理較為麻煩，不像傳統吸塵機般只須更換紙袋即可。水濾式的盛水器注入清水後機身較重，機身及配件體積也較大，使用後存放也較傳統吸塵機多佔空間。

消費者宜同時參考兩期《選擇》月刊的吸塵機測試報告，比較各款的特點和配件、吸塵表現、安全程度、售後服務等才作出選購決定。

YANNIE十味骨 =)

由阿依MAMI的秘製八味骨+鄭婦沿用的鎮江骨menu拼合而成的YANNIE十味骨~~~出場!!

材料: 腩排 (或一字排), 干蔥, 蒜, 薑, 辣椒, 八角, 冰糖, 白醋+鎮江醋, 紹酒, 老抽, 水

(Details後補)

華麗上班族之"生活與生存"

7月14日

上一回在港公演, 當知道時已經FULL HOUSE了(以迅雷不及掩耳的速度形容佢最啱)...終等到佢重演的機會了...早在開賣的5月時已買下飛~~最平的飛, 最好的位置~~開心死

蒜泥白肉

隨住mami搬回沙田, 我又重回my kitchen world~~今日係大暑前夕, 心思思想整個唔凍唔熱的餸 : 蒜泥白肉

(details後補)

 

伊呂波燒肉

自07年去完日本回來, 一直嚷著要去食日式燒肉. 講下一個月, 講下又一年.....有心的成小姐終於陪了我去食喇^^

傻傻的我倆走入商廈坐LIFT上到1/F, 一出門見到...嘩...好骨子wor...由此門進入另一個地方~~~唔似香港的地方

 

訂好TATAMI位

 

好興奮.....XD

 

 

 

點了一客伊呂波定食, 一客燒肉定食, 兩客都加大了肉的份量

 

燒肉定食有 : 前菜, 味増湯, 任FILL的白飯, 茶碗蒸, 肉最點最多三類~~我們點了牛肉牛舌雙拼 ..........伊呂波定食可揀一款肉類, 再多添了刺身和天婦羅...好多野食呀

呢個就係牛肉牛舌雙拼.....SO GOOD^^

燒耐了也不用換的網~

好喜歡呢個環境呢~

 

 

環有成小姐激讚的芝麻雪糕作ENDING, 好prefect~~~連加大肉份量和加一, 埋單$240~~~值得的..........而且比晚市平得多了.......

伊呂波, I'LL BE BACK!!

榮仔, 等你的假期~~^^

莫拉菲..我記住你!!!!

天光了.....好攰......

幾個鐘頭前, 我同榮仔跟莫拉菲博鬥左個幾兩個鐘~~~好似拍左套災難片一樣~~~

無乜氣慢慢講(打)...去片 ==>

打風了打風了......過左12點..開始覺得唔對路...今次打風真係好大雨(平時8號仔當更時都無乜雨水的, 之後先會勁落).......d風係"洪洪聲"的....驚驚地, 叫榮仔貼返個窗安D

........9號了..................

-當時我仲在msn打住, 如果邊個想feel下風聲, call me.....(玩呀拿...)

-睇到潘蔚林吹到面都扭曲埋, 哈哈..仲打俾阿妹傾.....(笑呀拿, 來緊自己受喇 =___=")

然後不到一會, 吹正風+super大雨, d雨水從窗邊湧入來!!!!!!!!!!!!!!!!!!!!!!!!!!!! OMG!!!!!!!!!!!!!!!!!!!!!!!!!!!!!!!!!!!!

室內落雨中~~~~~~~~~~~~~~~~~~~~~~~~~~~~~~~~~~~~~~!!

(就係呢度, 我直接熄左個pc...06, 阿依, 睇到以下場面你地明我點解突然消失.....)

 

引發出來的問題就係~~~那排拖板入緊水!!!....睇下張DESK...D水撇到個MON, 仲入埋台面的玻璃之內 ><"

D雨水由窗邊落窗台再落地....d水在地下湧出來!!!!!!!!!!!!! (OMG~~~我那新整的地下....呢個MOMENT...好想爆)

濕Q晒喇...............zip住d邊....抹水...扭毛巾...如是者兩房一廳走來來去...攪左半粒鐘....用兜兜.....成卷廚紙壯烈捐軀左....哀...

抹左半粒鍾都"止唔到血".......心生一計: 開個氣窗頂一頂直撇的喪雨 ==>

打開窗的一剎, 成個窗想俾風扯出去.....oh..其實我係拍緊猛鬼街?? 我真係驚wor.........開那唔夠1inch的隙疏疏氣, 喪雨直由窗邊入屋的速度減慢了, 但同時, 佢地改由呢條隙度飛入來!!!!!!!!!!!我成面, 成身濕晒...............雨水由我手流到手臂...........水人YANNIE成形了...................我企定定超過廿分鐘...直到腳痺叫榮仔來頂 (其間榮仔一直通屋走...扭毛巾中)

有試過在屋內俾雨水整到濕晒嗎???  為了我的愛巢, 我括出去了.... 

房的另一邊廂的窗, 又開始有雨偷襲緊....好彩佢係用鬼鼠的方式"入屋", 用隻膠杯頂到 ==>

(唉............睇到呢度, 係咪唸起 "屋漏偏逢連夜雨".................悲...............)

我可憐的bobbie sir, 係咪嚇到哩埋呢.........你真乖....坐埋一角....不過....點解連你個身都濕既???????? (間屋都濕晒....)

隨住新聞話咩個風在沙頭角經過, 雨開始細了.......一場戰爭似過去......

5:07am....天光了...............

6:08am................仲唔係...災難片的ending?!

GOOD MORNING, GOODNITE~~~