時新-漢堡飽

今日既主角係佢~~~時新快餐店~~~長登openrice top10的食店達年半之久~~~!!

快餐店位於紅磡半島豪庭斜對面, 由紅磡火車部隧道天橋一落就見到喇^^...店內很像香港8x的茂叔快餐店..hoho..賣的是昔日梗有一家有你我屋村內的快餐店食品.

當中最有名的就係呢個~~~

漢堡由$9-$15不等, 單層雙層牛肉加蛋不加蛋再配沙律汁/茄汁/黑椒汁/咖哩汁.....最貴的雙層漢堡蛋就係$15.....即叫即整, 絕不欺場!!         

呢個雞睥就一般啦...我家樓下果隻好味d =P                   

總結: 個漢堡真係好食wor....好食在肉內混了洋蔥, 好食在新鮮製....更好食在有"人情味"~~小小的店擠滿買漢堡的人, 店員不停手為的是堅持即叫即整, 咁忙咁熱當中還能保持微笑....所以你我皆食到其"味道"~~~

讚!!

更讚的是其質量和需求度, 價格上絕對有上調的空間...然而它仍賣這個價~~~良心製作~~~讚讚讚!!!

 

PS: 是日大配角: MR. JIM的港男港女.....

深怕遲到而趕得要死的我倆, 2:28pm到達仲係入緊人...乜事呢?(結果2.45pm先入座..)

坐我最喜愛的"包廂座"

 

當初是為了那港女的OUTLOOK而入場....結果睇完之後都係覺得最正的只係呢個港女LOOK.............汗.....(回水呀)

徐佳瑩~~LaLa首張創作專輯

星光三是我最喜愛的一屆, 因為top 3也很喜愛.

5.29, 冠軍Lala的1st album終於推出了......11首歌中, 7首已在比賽中唱過; 即是一張專輯內有大半部份的歌是經promote過了...重點是, 很好聽!!!........11首歌都可以是主打歌, 香港唱片, 你地會咁樣豪俾我地嗎??

其實歌曲都是很大路的, 然而大路中卻可以首首有不同風格.......明明在之前已聽過, 卻可在唱片內聽到額外的驚喜感覺!!  (通常好聲音令人有期待度, 但亦通常在其接著出的唱片中感到失望.............昔日的吳浩康, 近期的蕭敬滕也是這樣)

<==第一次睇到呢張相就已經好驚喜..!!

"簡單，直接，直指內心" (fm 甲霸兄)

LaLa首張創作專輯

01 喔伊細
02 圓舞曲 ...比賽期間我最喜歡的歌
03 VIP...好陳綺貞..好似講緊野...好聽
04 失落沙洲 ...一首講關於"失去"的歌.......日聽夜聽....感動依然
05 白旗 ...Positive song.."我還不能舉起白旗讓你留下證據...看誰先到達終點那一邊"
06 身騎白馬 ...一曲成名
07 一樣的月光
08 明知故犯 ..."當你默認你的拒絕是因為另外一個誰, 有沒有發現我正在ㄍㄧㄥ的眼淚"
09 出口 ..."這小小的舞台, 有我大大的夢想, 還有你陪伴的目光.."...lalala...
10 哼情歌 ...
11 BONUS TRACK 沒鎖門 (MSN10周年形象主題曲)

http://moov.hk/moovnow/music/album/albumdetail.do?contributorid=&roleid=&albumid=VAWO00017412A

P.S.:

她有紅的條件.

歌, 都是很大路的STYLE, 卻有著令人一聽再聽的慾望 ......都說依家的流行曲"過耳即忘"........但呢張我已反覆聽了整整一個星期了............你呢? 會是你杯茶嗎?

更重要的是, 她仲有大把貨...

 

****************************************************************

題外話 ~~

真的不能睇少女仔的決心...看lala身型的今非昔比....減肥中的姊妹們, 努力!

 

不能遺忘, 怎能遺忘

已經很久沒有寫blog了...成日都係咁, 當過左一小段時間無寫, 就不知從何入手, 從哪講起~~~

過去的兩個月, 我依然活生生在過每一天, 哈哈...遲點再補回呢段時間的點滴啦~~

讓我真正埋首打blog的, 是今天~~~2009.6.4

廿年了.

原來一轉眼, 當年的小學生今日已為人妻, 嘿~~~~~~~~~~~~~原來廿年可以係"fop"一聲就過.

快得驚人....

唔知點解, 今年的感覺特別深, 是因為廿週年嗎?

我仲好記得那是一生至今睇新聞最多的時期, 仲記得卿姐來我地學校講的一番話, 仲記得"愛自由,為自由..."呢首歌, 仲記得...好多野都仲記得!
今時今日, 失去孩子的父母, 連拜祭孩子都不許; 吾爾開希廿年無見過父母 ~~ 酸~~

"先有國, 後有家".....
由細到大, "家"都教我地"錯就要認", 點解大於"家"的"國", 無咁做??!!...幾時先做??????.......
認錯, 就係承認做過 & 做錯~~~THAT'S IT!...好難架??

................那..家是什麼? 國又是什麼??

 

P.S: 前兩天與LG去了牛棚, 參加了一項"六4活動"

也許我告別將不再回來，你是否理解?你是否明白?!
也許我倒下將不再起來，你是否還要永久的期待？

也許我的眼睛再不能睜開，你是否理解我沉默的情懷~