令人痛心的晚上~~菲律賓挾持康泰團事件

2010-8-23 香港國殤之日 (天公哭了)

絕對令所有香港人痛心的晚上...多麼可怕的菲律賓, 不是因為挾持事件, 而是對事件的處理方法(無方法??)...

現今科技發達, 令我透過電視的現場直播知道事件的發展; 整整一個下午......雖然當時情況平靜, 但始終這些事, 秒秒鐘可有變化; 時間一長, 人質可由最初的平靜變崩潰; 槍手也會突然想到自己Situation感到絕望而開殺戒.

結果,
情況在7點幾突然翻天覆地~~~司機從車逃跑出來, 亦終於有警方(特種部隊)走向車邊有所行動~~~點知原來係拎住個鐵掫左拷右拷, 拷兩野仲趺埋, 然後偷笑~~~~~!! 菲律賓係咪無防彈面具的?? 點解個個聽到槍聲後會雞咁腳?? 點解無部處的??
槍手都有慈悲時: 無條件不用理由釋放幾名老弱婦孺; 特種部隊們?! 全世界都見到你地甩碌偷笑的表情, 你知道嗎?


司機走落來話所有人質死晒我都未信(佢係最前面, 當時又驚,點知咁多)...直到時間分分秒秒咁過去, 依然唔知果pat特種做緊乜, 那刻真的很掛住我國的軍隊士...兵...亦對這個菲國無比的心寒. (事件過左咁多個鐘, 菲總統都唔出來講句野?? 世界大事wor)
事情急變的兩個鐘內, 近來眼淺的我, 淚線完全失控...因為想起幾個鐘前那些"團友"生勾勾在開窗簾睇野; 想起了早前被釋放的女人同佢小朋友(佢地的老公daddy在車上)......因為我熱愛旅行, 因為我是港人......心口真的很痛.

電視畫面中不時傳來的槍聲...平靜過後又一輪機關窗掃射....突然有屍體掛出來....很殘忍, 很絕望....這天晚飯點食得落......

直到見到有人質出來的一剎, 真係激動到不能再激動.....奇蹟真的出現了!



事件終於流血結束, 最後留在車的15個港人, 6人生環, 7人死亡, 2人重傷(upto11:18pm)......心中有個大疑問: 究竟槍手幾時開始殺第一個人質? 有無死傷者是在特種部隊在車氹氹團的30mins預害? 當中又有否是因為警方混戰時而亡?!............真相會被披露嗎?

希望所有劫後餘生的人能堅強生活下去, 希望早早獲釋的幾位老弱婦孺也身心平靜平安..所有遇害的港人RIP

PS:

現場直播帶來的震撼...生死只是一線間, 朋友們, 請繼續珍惜身邊的人事物, 好好的活, 因為人生無常!