bye bye 2010

2010.12.31~~~

就在一遍追趕之中渡過了最後的這一天.

依舊地, 2010也是不用正常工作, 卻忙個不停的年份...今年生活又再起了一點變化...趁未去睡(仍當是2010, 哈),   作一個簡單的小回顧 :

Jan: 樓價一直向上, 09年的尾三個月我這邊升了好多, 忽然首次出現賣樓的念頭; 大咀mui mui足百日了; 好友成成終於肯嫁, 0122成為了孫太^^...就在孫太出嫁後, 俾AGENT "cher"了幾日的誠意買家出現在我們的花都, 由踏入我家門計至簽約才60mins...就這樣為2010起了生活的變化.

Feb: 買了第一部遊戲機~~wii; 9/2..重要的甜蜜日子^^; 大年初一=14/2情人節, 燒魔怪的我, 第一次在大年初一去BBQ; 今年節目由初一排到初七, 原來已注定係節目多多的一年; 第7次泰遊(果然係返鄉下了), 添了一個近郊遊~~大城府~~LOVE IT^^

Mar: 旅行完畢立即開始尋覓新居, 3日內決定, 再次進註帝庭軒 (轉區失敗, 原區搬遷)...展開了為期一個月的搬遷大作戰 (掉左好多野, 又買過好多野); 為了my Eason兩度進入紅館, 雖然聲沙, 但我依然為你忙情尖叫, 因為你值!!  100330, 再見, 我們的花都

Apr: 新的恩榮之家在頭半個月依然"未齊腳", 好似知我日日係屋企咁, 所有野都分開每日一件...到月中終於大功告成! 咁大個女, 腳脂尾踩入股市; 轉眼間大咀mui mui半歲, 開始坐了^^

May: home的新玩意~~自家燒!~~連續燒左成個week~~wakaka; Gary公司旅行去首爾之祭, 我地同蜜柚來個溫馨馬交遊, 仲玩足3日! (雖然遊台失敗, 原來更好的正等待我們..hehe); 年頭結婚的BF, 向我告知一個大喜訊...生仔熱正式延續至2011

Jun: 11週年紀念, 處心積累來個"失驚無神泰驚喜", 給榮仔一個大驚喜~~一句: 行喇...拎喼啦...去機場呀!~~臨行前30分鐘才知道去旅行~~我都覺得自己好叻XDD, honey的開心寫晒上面, "你快樂所以我快樂" yeah!!!!

Jul: 趁1/7炎夏繼續同陽光玩遊戲去左東霸, 點知差點中暑之歸= ="; 為時一個月的world cup於0712完結~~第一次睇高清world cup..正!!~~FB進一步普及..每場賽事均於同道老友隔空吹水, 這麼遠那麼近~~喜歡呢種睇波方式; 見得好密的蜜柚, 不知不覺已7個月身孕, 依照食得玩得行得, 呢個月見更密 =P

Aug: 好友聚會月~~好密好密, 又去美食展又上深圳; 遊行癮撲出來咬我, 計劃下一個旅程

Sep: DIY mooncake又來了, 今年無左依da相聚, 變了"恩moon工場"~~整左3晚!!!; 0914, 就在蜜柚正式放產假的第一天, Mocha仔急不及待面世, 送俾mami linda一個後十"假期"; 同時發覺有個朋友有古怪=P

Oct: 高小君+大咀mui mui生日^^...為大咀mui mui開左一個"人仔生日會", 俾我地親朋好友一聚; 買機後第一次添置器材~SB900+Tarmon AF90mm~我地要好好合作啊

Nov: 子華兄第一次踩入紅館, 你講既野, 已袋穩~~繼續忠於自己! 月尾同baby兩隻娃鬼遊杭州上海, 多謝榮仔approve我這個pre birthday celebration trip~~為33不盡的慶祝展開序幕

Dec: 一年之終好busy, 頭十日同好友家人慶生慶不停(錫錫); 1213帶大咀mui mui與LG同遊disney; 1215三週年甜蜜蜜食餐好; 做冬過後, 開始了連四的xmas活動~與嵐嵐7連慶, 去了睇劉華concert; 聖誕大party移師恩榮之家, 玩得開心盡慶; 再在凍冰冰的26-27號到中山浸溫泉, so warm!

 

唔知點解, 近來總覺得時間唔夠用, 來年要好好抓住時間, 繼續開開心心, 身體健康; 亦希望榮仔工作順利.........好多精彩的項目在等我們, 要用感恩的心, 好好享受生命!!