龍馬精神的龍年開始了!

天涼涼

剛渡過了一個好有氣氛, 凍冰冰的新年......特別是年初二, 凍得要冬眠啊!

做個簡單小回顧:

年廿六@沙田home做節...終於唔叫大o樂盤菜, 訂了圍村盤喇...大家食得好開心^^ (屯門八味居, 大盤$830+60送貨)

年廿七, 瘋狂執屋..

年廿八, 上半日執屋, 下半日接榮仔收工, 到葵涌廣場掃年貨, 約蜜柚交收, 再到荃灣買野食飯...終於有新欖枕, yeah!!

年廿九, 繼續作最後執拾, 到上水辦年貨, 入榮宅食團年飯....然後.....行花市: 上水>旺角花墟>睇賀歲片>旺角花市>回家@4am (wakaka...好多年未試過去到咁盡....)

今年沒有年三十, 年廿九...接著就是: 大年初一!

年初一: 今年mami side團拜定了初一, 由於昨天太夜(太早?), 想早也早不來..結果都要2pm才到娘親家..坐坐食食, 到7pm轉去新翠食團年飯...$2288/圍, 2.5圍包左個房, 有MJ有K, 乎復何求的好價錢! 就這樣32人大團年,新年就是要有這些節目, 因為有些家人真是一年這天才見一次呢=P

年初二: 由於連續幾日的勞累, 再加上這個"大寒初二"...最好冬眠! 這是榮仔的決定...佢放多日之後又要連踩十日了...佢話點就點啦~~SLEEP完又SLEEP...真爽!

年初三: 天氣凍真係超好瞓...今日又瞓到成點...今日去妙C家拜年, 來個雙打(MJ+hotpot)...

年初四: 榮仔今天開工了....開工大吉呀! 約左阿妹齊食lunch, 然後上阿依home團拜...今晚又係盤菜喇...訂了結婚當日訂的輝記...大家都話好味道!
(無聊野...昨今兩天FB上係咁出返周星星"年初四係點樣"既片...HAHA)

年初五: 年年這天都會約定~~我地mami生日~~今年姑姐返來, 約好上KK新居hot pot...超豐富的準備, 辛苦晒姑姐~~仲有我地為mami準備的特別蛋糕...見到mami的大喜悅...大家都開心了~~happy birthday to my mum^^

年初六: 終於輪到跟我的BF系列老死團拜了...今年又係去孫宅...事關佢又係大肚喇...HEHEHAHA大半日, 跟你們相聚最開心!

年初七: 人日榮宅團拜, 榮叔叔要返工, 派我做代表...最後開飯一刻他趕到來...齊人開飯了!


祝大家龍年人人做大佬, 身體健康, 生龍活虎!!!!!!!!