EASON LIFE 2013

這是一個good show, 但不是我心中他最好的show~
為他的Voice condition感恩, 非常好, 雪前恥 (其實上次我都唔覺得係恥)
今次曲目係圍繞主題"Life", 講生活, 講生死, 講時間, 講活在當下......但我唸如果唔係臣fans, 最少有30%歌應該唔識...(pick歌算冷門); 無前幾個show咁, 每part有重心主題, 感覺有點單調; 又唔知係咪因為開頭一堆文化事務的介紹"冷一冷", 總覺得頭一part有點政府宣傳feel......
(後來知道昨天的一場是為慈善籌款的, 唔知係咪呢個原因, 所以又覺得EASON好似特別正經...)
但, 無論如何, 這是Eason今次想表達的show, 而且唱得極好, 依然欣賞, enjoy^^

張惠妹concert

第4次睇阿妹concert~~40mins non stop hits song+20mins crazy disco ending~~~it's really aMeizing^^
但, 首先要渡過2 hours[台灣九族文化村-綜藝晚會]式演出= ="

原來有些昔日感覺，並非可從心所欲地抓得住...繼續活在當下，享受每一段時光所給你的感受=) 

王菀之 。水百合2011演唱會

剛欣賞完一場超班音樂演唱會。
用上四十二人大樂隊，成功結合管弦樂-電音-鋼琴，每首樂曲，每個間奏也精彩; 在如此高質素的band前，人聲完全lead得住。
她是藝高人膽大的~~王。苑。之~~絕對值得被珍惜的singer!

有時候, 驚喜這回事可以加很多很多分...Ivana的live preformance張力無窮，絶對屬現今最top的一群，這點好有驚喜呢...
腦內出現了這兩個字: Artistic!.....Gorgeous!!

PS: 平常concert中不太在意的一part也留了深刻印象 : 她的衫好靚！！ (原來十套custom件件花心思, 其中4套是couture!)
  1把好聱音+27首創作+42人大樂隊+3個Leader+10套custom = 何止1秒感動^^

1. 安妮‧法蘭克
2. 柳暗花明
3. 詩情
4. 融了鐘的時間
5. 一秒感動
6. 巴黎沒有摩天輪
7. 她扔了跟火柴
8. Don’t It Make My Brown Eyes Blue
9. 錯過了地址
10. 月亮說
11. 雷電
12. 恨也講資格
13. 畫意
14. 最好的
15. 面斥不雅
16. 低科技之歌
17. 我來自火星
18. 水百合
19. 我真的受傷了
20. 大笨鐘
21. 下次愛你
22. 永遠幾遠
23. 開籠雀
24. 粒糖有毒
25. I Dreamed a Dream
26. 手望
27. 小團圓
28. 迷失藝術
29. 末日



http://youtu.be/K0pk5TL4dk0

蕭敬騰香港演唱會@6Aug2011

炎熱天晴的七夕

辛苦買來的JAM的Concert, 今晚終於去睇喇~~~

感覺好似睇住一個充滿興奮度的活力小子在開心唱歌;

演唱會8:30開始, 唱到11:15完.

前半part有點悶, 聲未入狀態, Pick歌也有點奇怪; 其實廣東歌志在表現誠意...誠意既野, 一首就夠喇!! (廣東歌實在削佢6成功力)~~~~對於新鮮人初踏紅館, 控制不到氣氛可以諒解, 但幕後的都要負起責任...例如唔駛佢落台派禮物, 可以令佢自然D....

喜歡JAM, 是他在音樂響起, 聲音出來的那份霸氣; 很純粹, 很簡單...不用攪太多花招, 佢自自然然唱就已經很好...太多反而令演出既佢, 同作為觀眾既我, 一樣的分心...

然而, Jam的power真的夠厚, 就算未入狀態, 就算睇得出佢好多野要記, 亦知道他在留力明晚, 當佢只出7成功力, 也很正........潛能無限吧!

後半PART...

"你"係聽得出佢很投入去唱的一首...加了點戲劇效果入去, 喜歡~

後面跳舞那PART很HIGH啊~~忘情森巴舞, BABY, 一支獨秀~~正!

再打鼓出場, 唱著"只能想念你"~~很投入呢

只是..

王子的新衣呢? Blues呢??

一直等encore就是覺得, 作為第一次在香港開個場, 不可能缺少這兩首吧..

 

Live Band也很讚, 數過有11位樂手, 再加上4位和音......很好!

(另讚一下前面合唱Endless LovE的星光7Eirka, 非常不錯~~比梁文音的演場聲音更好)

但, 很好的JAM's VOCAL + 很好的LIVE BAND, 卻未有=2的結果出現.....好似係Control Panel既問題 (or Budget問題??)

 

 

 

 

 

 

 

 

 

 

 

PS: 整體不錯, 期望下次有更精彩的Live Show!

On and On concert 2011

五月天, 天氣涼

剛睇完安仔尾場concert, Good show啊....總覺得近年有個特別現像, 就是不論你個勢好唔好, 只要profilio夠厚, 演唱會多數都會爆爆爆....除了我地呢d聽回憶, 仲有就係現役巨星少之有少......

或者我地呢d"買碟"年代既樂迷, 依家買碟既用途愈來愈少(因為d歌都係過入iphone/ipod), 儲埋呢邊既"quota", 要來睇show....睇返我地既成長回憶....."回憶有價"!

安仔的狀態好好, 聲線靚, 音效亦不錯; 主題為"25週年的回憶", 所以舊歌連場, 彷彿回到舊日的K房...那個時候, 個個男生實唱男人最痛, 心血, 一家一減你.........

今次其中一個特別之處, 是安仔與sammi的返撻之戀上得台面, sammi亦落落大方, 如女主人般捧場; 我也是第一次睇concert睇到咁分心.....整晚不停望住阿mi做緊乜....哈哈....bonus也

安仔呀安仔, 你係我最愛聽live的歌手之後, 在live面前, 你同eason都無分大小的....希望你經此一役真的可"回來"!!!!!!!!

''合唱中　你可想到了那段年代
人生幾可的感動還在
無可取替卻笑著回顧
成長時落淚後獨有的感慨"...
Good show!!

 

同行仲有Joann 與 Brian

 

去紅館咁多次, 都係第一次影呢個到此一遊shot, thx joann^^

給前度的音樂會 by二汶

天氣焗熱

很飽的一天.
與好友對足大半天, 傾飽;
嘆了一個3小時的high tea, 食飽;
享受了一個誠意音樂會, 心靈也飽滿
很富足的一天!!

印象中好似是第一次買票睇的小型演唱會/音樂會.

為的是presentable topic, 為的是二汶的聲線.

結果, 為她所揀的歌驚喜連連; 也如期望的享受了"無忘花" LIVE VERSION...那全場靜止的氣氛, 連呼吸也不要太大動作的完全專注, 是這個場地只容納到400位的優點.

"不會哭於你面前", "初戀", "不拖不欠", "多得他", 少女的祈禱", "當我想起你", " 外面的世界"......二汶 (與其幕後TEAMATES)為這些"過去式"的歌賦予新靈魂~~快歌很動感, 慢歌很感動;

它們都曾經在我們的成長中出現, 剛才彷彿在往事中遊歷一圈.
很感謝, 給予我們一個美好的音樂會.

PS: show time可能有d誤會, 因為進場前被叮足音樂會為2小時, 不設中場...that's why很多人都覺得有點odd; 或者往後場次的"溫馨叮嚀"請改為90mins吧=)

張學友1/2世紀演唱會

學友CONCERT, 準時開場, 1000個讚~!

看到他誠意十足的一part音樂歌舞SHOW, 但還是睇住喪彈跳"這個殺手不太冷"興奮; 這次concert完整度高, 華麗有餘.

致命的是, 我被莫名詭異的氣氛包圍著 : 斜前面兩位, 傾足一晚計; 後面一整排亦不弱, 永遠在唱慢歌時高談闊論; 遇節奏強勁的song呢, 就跟音樂鬥大聲~~~~~~~~頂佢個肺...頂佢個肺!! 忍不住拎轉幾次示意收聲, 但這群外星人原來不止後一排咁少.......唉...我不是風 紀, 唯有強忍= ="

故事教訓我, 下次不要揀5.1假期, 與同胞爭位睇concert (sorry, 佢地應該唔覺得係睇緊concert, 而係在大笪地咬住蔗睇工地show).....絕對騷擾!絕對騷 擾!絕對騷擾!

 

這個show令我對大側面有了重新的看法

王菲。巡唱2011香港站

今天與Caleb"拍拖更"去睇王菲. (如果買到$380, 便不用假拍拖了, 依家$680榮仔話貴唔去wor)

睇完之後, 強烈的餘音在我腦中盤旋.

"身體是靜止的, 心卻超震撼"~~慶幸可在此時此刻睇王菲.  絕佳的狀態, 站上台, 一開聲, 就是天后, 無人能及的級數!

那溫柔而有力的聲音, 現埸穿透力100%, band底, 舞台效果都是一流...這個show, 我俾110分!

 

love the seat, so close! (block 15)

正面台...好遠...我都唔係坐呢度...

入場紀念品, 未出場已壞左= ="...又唔想行返出去換...算喇

開場...大幕一放面下

以冬, 春, 夏, 秋 四季為題

 

 

 

視覺震撼的一幕...感動死~~~

 

 

 

 

最後以一鏡子作落幕...成件事100%完整

側田 Around the world 演唱會

側田~~~

雖然人氣不再, 雖然新歌也沒有比舊的好, 但, 你的Vocal, 仍然令我會買飛入場.  第一次聽到在古巨基concert上唱大雄Acoustic的震撼, 到中間的兩次個人concert solo, 至今次~~所謂的暫別香港concert.

AFTER SHOW:

WHAT A HOT SHOW~~JUSTIN!

歌聲要有火才動人動聽~~

PS: 竟然唱WELCOME TO THE JUNGLE!!!!!!原來側田ROCK得起!

 

出場的方式有想法 : 在台上打坐10mins...倒數開show...這樣感受在台上的感覺...正!

田, 帶著你的實力繼續上!

 

 

臣之驚喜演唱會: 蝦碌頭場

何謂繞樑三日, 就係當我睇完eason頭場(20/3)之後, 直到今日都不斷想起入面的畫面~~~由當日邊聽邊覺得驚喜(歌的選擇), 到今日追歌聽, 再想到佢呢個用心run down~~~真係好正！

成日都講"在其位, 做其事", 好多artist去到最top位, 就會開始keep住做一D"保名聲"既野, 揀歌都會愈來愈保守; 阿臣今次揀既歌, 對於大眾來講, 其實幾risk的, 然而, 呢個就係佢, 亦係我欣賞佢的地方.  由singer去到star, 真係要有一點藝術家脾氣的.  最強烈的例子當然係leslie, 而leslie既味道, 在阿臣過往的live中一直找到點點....................

今次直接了當擺明向上一代的star致敬, 有一半歌都係佢地既, 繼而risky咁揀一d自己較冷門的歌放入呢個concert中.....................我感受到佢想做既事. 

依然係果句: 香港樂壇有你真好^^

 

ps: 期待30/3...