恩榮之家。。。第四章

JAN19。晴
(第一次使用天水圍豪華圖書館的電腦室)

過去的個多月真有夠忙. 恩榮之家要覓下一個居所了.
現在的市況, 身為香港人怎會不知道是"痴左線"......但, 不是真的置身其中, 也不會體會到瘋的程度.
香港真的瘋了.

早找, 就算有合意的盤, 人家也不會白白等你一個月;
遲找, 就是逼自己短時間內處理一切.

人在新居的日子第25天: 小回顧

天晴。微涼

眨下眼搬來新居已接近一個月了. 搬屋時掉了很多東西, 又有為新居添置了很多東西.來一個小回顧先:

@04.18: 花了$715 (+榮叔$5讚助費)買了wii fit plus..

@04.17: 新的工作伙伴-Samsung P2370投入中; 還有"聲衰" (SANSUI) 2.1喇叭, 用後感覺非常良好!

@ : Philips 5.1 ~ 在boardway用恆生card簽減$1000!! 而且因為有光纖輸入, 無線後置, 所以成為我們家新的影音組合

@ : 榮叔叔的兒童節禮物~~Samsung 40" LEDTV~~聲稱比LCDTV節省高達40%的電, 內置高清解碼, 100Hz, 超級薄的機身, 亮麗的外型, 最重要的是差不多5折的價錢, 所以只用了數天的時間, 便決定買下這份昂貴的禮物給honey~~哈哈, 兒童節快樂!

@ : ........

再見, 我們的花都

清涼

這將會是最後一次在花都打的BLOG.

今晚以後, 這裡就是別人的新居, 跟我與榮叔的關係告一段落.

不想太傷感, 但真的, 我仍未有住新屋的興奮, 卻有捨不得這裡的感慨.

捨不得這兒樓下敬業樂業的阿姐, 捨不得一出門口10步便到的7仔, 捨不得20步便到的M記同Pizza hut, 1min內到的惠康與百佳, 萬寧與屈臣; 捨不得窗外的日落, 捨不得只屬於我的浴缸, 捨不得這個珍藏了我們八年回憶的家.

再見了, 我們的花都.

 

PS: 恩榮之家將於另一個地方"繼續營業", 下回再見^^

新屋進程之: 買傢俬PART1

一大早起來, 自己出左去Ikea買傢俬, 今日係SAT, 要早早去買, 費事同WEEKEND人潮逼到傻喇

是日買了一個架, 一個BILLY書櫃, 大書枱+2隻申縮腳, 細書枱+4隻腳, 一個6桶櫃+玻璃~~多謝 $3XXX

BILLY書櫃...呢個花好靚呢...

下午回新屋, 叔叔幫我COMPLETE埋餘下制面, 同埋TV睇到喇...YEAH

同日, 仲有DADA的SOFA正式進駐我地新居, 大家算係為環保盡一分綿力...keke

巧遇運輸團隊...sofa moving...

sofa on board!! NICE!!

仲有依嘩過來幫忙裝燈2盞, 又搬左小小野過去

唔該晒各位!

 

**是夜EASON concert開場, 亦係連見的既Edith3日, 萬事放低, 盡情享受!**

新屋進程之: 確認搬屋公司, 申請取消水/電/煤

今日約了阿妹去Ikea訂傢俬, 先去荃灣更換制面, 再去另一間DSC賻下有無貨先.

叔叔陪埋我地行, 再在路德圍那邊睇燈.  OK, 心水燈價已在心中, 留待SUN上SZ再作決定.

下午去Ikea, 那個地櫃同格格架都無貨!!! 天呀..我唸住新傢俬在下FRIDAY搬屋前到的, 點解現貨咁缺貨?? ......

 

**是日臻臻生日, 要返入去慶祝了**

新屋進程之: 換鎖膽, 確定搬屋日期

14/3 (SUNDAY)

-1.5HRS清潔...個雪櫃真係...加加埋埋我抹左4hrs.............從前的住客是在呢度經營外賣的嗎? 個kitchen的油漬係誇張級別.

 

努力中的榮仔...抹

已經抹左一半先記得影返張相"留念", 記低我曾經為佢"負出"過...wakaka~

-Ikea睇傢俬....今次睇多左d心水喇...返去度埋d位, 過幾日落order (現貨好快送到來)

呢個好...純白色(都唔知why依家咁難搵純白櫃= ="), 木面, 可以key返屋企果兩條櫃

呢個買硬! 要堅持我的堅持~~打造骰仔之家!! (買一個好定一開二好呢?...)

呢個又唔錯...又係白色, 仲好實淨!...所以價錢都幾"實淨"

15/3 (MONDAY)

-去HK BANK轉地址

-換左鎖膽 (MULTILOCK@大榮, 連裝工=$398+120)

PS: 落大榮之前問左街市那個水電舖仔, 唸住呢d做街坊生意既價錢都會公道啦...點知開我成千錢! 仲叫我唔好驚訝, 話大門的鎖好重要....小喇叭你係咪覺得我似水魚呢? 定係想聽下我吹返支"小喇叭"過你??

-廁所燈攪掂, 一天都光晒!

16/3 (TUESDAY)

- 荃灣睇傢俬 ->決定買現成喇

- 換制面1/2........離奇失竊..買9個收9個最後返到HOME得8個......另有2個要更換2way

好靚既ZENCELO! 由mami裝修時已鎖定佢要進駐我家^^

-因為配唔到光管, 又見換埋都唔係好貴, 所以直頭連埋個支架換左佢

-確定搬屋日子為26/3, 搵搬屋公司quote價.........$3500!! .....再搵

**好多野TBC......**

17/3 (WENSDAY)

**太多TBC既不安心情延續到今日, 加高吉送左隻飛機俾我......心情欠佳, 即時發燒**

是日留家PACK野, 晚上約榮叔去DSC買衣櫃......omg, 無貨..................!

 

新屋進程之: 拜四角, 睇傢C

霧天潮濕

今日MAMI叔叔為恩榮新居拜四角.  其實也不是十分迷信之人, 但居所也, 為了住得稱心, 家人安心, 依樣進行了這儀式.

MAMI話, 拎個餅筒足夠了...點知, 一燒便燒了兩個鐘...早知買個大筒啦...邊燒邊擔心憐居投訴...實在太煙霧彌漫了...辛苦晒, MAMI!

BONUS: 新的浴屏和地磚

 

離開新屋後, 去了大埔睇下將要添置的傢C.  初步估計, 除了餐枱+椅, 床褥外, 大部份傢C都無得留低;  另外, 究竟最終可唔可以擁有地台床...真的要研究研究.........由太和落車, 繞住大埔一直行, 再到大埔墟站上車......差唔多行左8千步....WAKAKA.....再一次, 辛苦晒MAMI!!

呢個鞋櫃都幾靚...不過我想白色TV櫃WOR....都在同一個廳, 要歸一D, 再唸唸先..

白色衣櫃..um..今次睇覺得個面texture好紙....no good wor...而且入面又無另一款咁實用..

呢個抵! $799/4呎鞋櫃, 入面好多層, 中間仲可以放傘! 可惜個色我又麻麻地..再唸

@實惠, 成間野只睇中呢個架仔...放kitchen好嗎? 置定晒d野先決定..

 

明天與榮仔上去才做清潔啦~

下星期初, 會出去揀制面和鎖膽, 如果油油便去配埋色.

 

現有制面, 我地要同你換衫喇 

下一個新居~~簽約日

從泰回來以後, 我們第一件事就是搵屋搬. 

一直也好想搬離原區的我, 因為想著他日再買樓, 如無意外都係買回粉嶺區; 所以未來數年, 想轉環境, 首選當然是搬回沙田, 起居生活, 榮叔返工, 探大咀mui mui, 返娘家...根本是一站式理想家之選...哈哈  2/3便先去沙田睇屋...點知, 理想家, 荷包又唔太豐厚, 實在談何容易...

次選的, 是新年前亦睇過的yoho town.  心想, 住入去即將變天的元朗也不錯...榮叔又可坐西鐵返工....去搵好友都近....只係, 我只想找545'那個則, 如果有, 去到7.3K我也租.~~~ 3/3那天, 打去那些在網上稱有UPDATE盤的, 打到去就知什麼一回事~~0盤!

同時間, 我有考慮阿依的荃景圍區...想著樓齡大的屋苑, 找到新裝修的盤機會較高; 今時今日高企的租金, 那裡應該尚可找到一個合適的吧.  而且荃灣起居也算很方便, 重要的是可住近eee.......可是跟上面一樣, 打到去那些所謂有最UPDATE盤的AGENT, 竟然回應係"無咁平"! ~~~嘿, 今日才UPDATE上WEB-SITE, 都可以係無的...原來今時今日係咁做生意的~~~得.

3/3, 榮仔假期的最後一日, 榮仔決定還是找回北區吧....結果先去回舊居那邊搵...睇了數個盤, 價是預期中的高....但, 起碼叫做有盤.  最後, 行回去新年前我曾經問過的一間小AGENCY, 一問之下, 當日那個盤仍然在, 只是AGENT加左一句: 鐵價! 無問題就即去睇~~~ 睇完之後, 累了, 沒再到上水找, 回家了.

一日之後,  我們的新居所確定: 就係那個鐵價盤~~~既然放左係度成個月, 應該就係留俾我地吧...wakaka.....上去兇宅網查過好clean之後, 便決定了.....重點之一是業主歡迎bobbie搬入呢^^...而且size比現居, 舊居還要大, 屋的"則"同現居是97%一樣的..有d傢c可用得返...業主也車過地板, 新油了牆, 很討好的盤......另一大重點是: 呢個鐵價係低於市場價, 根本是筍盤!  只是我最心儀的bath tube無左....算啦~~兩年..無問題^^

 

今個晚上, 榮仔去簽約回來了...就咁樣, 我地下一個新居宣告確定了!

未來的2weeks, 應該都好忙...希望我及時整體晒所有野....又一個大project正式展開!!

新聞: 80後新勢力

新聞出來了...哈哈

*****************************************************

「80後」年輕一族成市場新勢力 粉嶺花都廣場連錄兩宗成交

世紀21進領物業高級客戶經理容寶祺表示，「80後」年青人近日成市場熱話，而他們其實亦是樓市新血，具有購買力，當中上車盤正是他們的入市目標。新界西北屋苑低水，粉嶺花都廣場近日連錄兩宗80後年青入市成交，兩宗都是即睇即買個案。

        上述首宗成交單位為花都廣場6座高層C室，面積547方呎，成交價162.5萬元，平均呎價2,971元。原業主於1995年以一手169.5萬元購入單位，轉手帳面蝕讓7萬元，單位蒸發4.1%。

        另一宗成交為9座高層C室，面積550方呎，成交價160萬元，平均呎價2,909元。原業主於2002年以113萬元購入單位，轉手帳面獲利47萬元，單位升值41.6%。此單位享有單邊山景，主人房有直角窗，屬屋苑樓皇，加上叫價合理，放盤2小時即獲承接。

        容氏指，花都廣場本月迄今錄得72宗成交，較上月上升2倍，平均呎價3,000餘元。

********************************************************

"屋苑樓皇" ~~ 哈哈...咁勁...不過呢個亦係我當日買呢度既原因......^^

人生大事件之賣樓記

天晴

過去的2weeks, 發生了很多重要事...其中一件大事, 是那突然而來的放樓想法.  說時遲那時快, 轉眼間我的花都已在26/1轉售予兩個80後的準couple了!

由有賣樓的idea, 到confirm賣出, 還不過2weeks...由準couple上來睇樓到簽約, 還不過是1粒鐘時間!!!

價錢, 比我地預計最高位還高出少少呢.... (其實係個市向好勁...呢期吹到來了)

 

一切都很快, 很快...快到我在當日5點簽約之後的一整晚都在發呆中....快到我整屋的燈在榮仔返來前都未熄晒!

 

 

2010年的1月, 一切似是轉機處處, 希望是可以把握的一年!

更希望的與榮仔繼續甜蜜開心