裝修前的final call : 紅館

識我的人都知, 我好鐘意睇演唱會.

enjoy live preformance, live band, 還有~~熄燈的一剎, 漫天七色螢光棒的燦爛.  (所以自己的婚禮都要加入呢個畫面)

紅館裝修一直講左好耐, 最後檔期俾左kelly.  今日我決定再去撐場~~~係, 主角係紅館!

紅館的舊模樣, 我會懷念你!

雖然最後的一個concert係非常之港式 (意料之中), 然而, leslie - eason - sammi - sandy - andy - 草猛 ....通通都留在我心中了~~~

 

入場....                  

  

ready...                                 

就係呢一刻!! 不過今晚唔算多光芒....

 

最多光就係對面的fans area...所以kelly多次都向那邊俾反應 (都正常的)

 

 

 

 

 

 

 

 

kelly concert, 有好靚的衫...始終高妹係夠台型d的!  live preformance嘛, 不過不失啦...唱得到, 不過沒有太牽動到我的情緒...(其中首抱歉-柯德莉夏萍...有少少對咀feel添)

另外坐的位置近band, 全晚所見, 隊band都好得閒, 好多時都係阿mark在notebook度click兩click就得...電子合成for concert多得咁緊要? 所以kelly都無遂一介紹band成員了...

聽到身後有人話好睇...um...或者係呢種演唱會唔係我杯茶...所以, 今次係睇SHOW, 唔係睇LIVE~~



see u !!                       

紅館, 期待你新的一面更 SUIT FOR睇CONCERT!! (機場實在太遠了)

後記 :

近年睇concert, 到party songs時都會企起身一齊跳...今次本來都無feel起身, 不過唸到final一次..就起身回味下..點知俾人叫我坐返低!! 睇咁多次concert, 我9成都係買$200飛, 9成半會企起身, 今次係第一次俾人叫我坐低!! 當下我想唔理佢 (我起身關你Q事, 你怕人阻住咪買第一行lor~~~ 但過一陣我的"戰友"們無人理我, 咁我再stand係度做乜呢?? seems to be wrong preson???!!!

最後我先知, 原來係因為那位女子的男友人要影相!!! 因為我阻住你影相??? SHIT!!!!!自問唔係野蠻人, 我都有睇concert應有的禮儀.  但我要重申, 企唔企起身係我既自由, 呢樣亦唔係場內的rule~ 我坐返低都唔代表你啱!

(p.s.: 如果係eason / sammi concert, 你睇我會唔會咁好禮貌對你?)