焗洋蔥豬柳

本來想整阿蘇洋蔥豬扒的, 不過今天想來點新意思....於是上網睇了一輪, 決定以隨心的醃料造出"焗洋蔥豬柳":

無骨梅頭豬扒一磅 (我喜歡買百佳急凍品, 易買又好食, 值得推介)

香料三寶: 蒜頭, 薑粒, 辣椒碎

豬扒的處理方法: 用刀背"dir"一面, 再用刀面拍兩面~~由於今日整豬柳, 想有點咬口, 所以力度減少

切成條狀

豬柳以糖, 生抽老抽, pepper, 紹酒, 喼汁, 香料三寶等醃好備用.....另有:

呢排食左好多M記, 有好多KETCHUP唔好浪費啦...用左佢XD

睇下個樣, 可以攞去BBQ喇...XD

臨焗前加入點點HONEY, 我真係想有BBQ feel呢....hehe

洋蔥切絲, 加bk pepper和oliva oil拌勻舖底, 放豬柳條上面, 再舖洋蔥於面上, 以錫紙包好  (**記得豬柳條盡量舖平一點, 能確定每件勻熟透)

 

預熱WOK數分鐘, 放入錫紙包中細火焗8mins, 反轉再焗5mins即可

一打開...好香呀.........個樣又ok wor...........唔知咩味呢...好緊張 =P

呢排生菜非常靚, 所以又出場了^^

結論: 個豬柳味道都唔錯, 好啱小朋友送飯...哈哈!!......

          等我再唸下加D咩等佢更惹味先...^^