失驚無神泰驚喜。day1

5:30pm,旅程正式開始...

6月10日

DAY1..HKG ->PHUKET ->Check-in @Aspery hotel (patong)

榮仔的表情令我定神了, 因為驚喜的效果, 在他面部表情得到了答案...yeah...這才是剛開始呢..驚喜一浪接一浪..keke

 

車上, 榮仔不斷重覆著: 究竟去邊呀?? 快d講啦...

佢有佢問, 我有我唔理佢, 叫佢估下lor...如是者好快就到機場了

 

到達機場後, 叫佢喜歡去邊就揀counter啦..玩完一輪, 最後先開估

榮: 估到啦..都話泰國

恩: 估到頭先又話台灣??

榮: ......                    

                  

 

跟2月去bkk的出發行李比較, 咦~都係19.xKGS, 原來我咁勁..執到一樣重量既?

寄過行李後, 由於一陣坐的AA航機只口痕式地訂了一個飯仔, 所以決定在T2揀野食(同時第二個驚喜悄悄地開始了..hehe)

榮仔揀左門口有個大三巴模型的餐廳作為我們用膳地方 (百有式茶餐廳feel)

今回點餐也留給榮仔...榮仔呀榮仔, 想你開心, 你就揀你想食的東西吧...唔駛理我..hehe

(在榮仔叫野食同等食物時, 我出左去打俾妙C, 跟進下佢地既情況..一會要來個perfect meet呀!)

榮仔: 咦?? 心形的..

真係wor~~~嘩, 榮仔你連塊辣椒碎都睇成心形, 你心情勁靚啦..good!

 

(回來食野既同時, 我固意四圍打俾朋友say bye, 當中梗包括我的妙C...等榮仔的戒心又再少一D, 一陣驚喜又大d...好細心呀高小姐!)

 

又出門, 點會少得我的gugu...其實佢係細佬來喇, 阿哥去左陪大咀mui mui, 細gugu都係第一次去旅行呢 :)

 

明天世界盃開鑼, 應景地換隻德國仔去,hehe

榮仔呀榮仔, 我真係好喜歡每次都影呢個相...你能理解嗎?

第二次坐AA, 又係夜機...有了上次的好經驗, 希望今次都一樣

上機安坐的同時, 就係第二個驚喜的出現喇...去片->

 

 

hahahahahaha...榮仔呢個樣有夠經典呀...

隆重介紹我地兩位團友: 妙C & 敏儀

少少地, 雞飯加個COKE

驚喜過後, 可能太興奮, 竟然做出小學生做既野-->劃花面!!!

落機喇! 我喜歡呢個落機方法 =)

夜機到, 人少少少少...得我地架機同一班韓國來的, 所以只係用好小時間就過完關, 拎埋行李喇

韓國婦團(少女?太太?熟女???) 原來佢地都好mou得...我出來等行李幾耐佢地就mou幾耐...

 

見到榮仔嗎? 我叫佢出去搵佢個名: MR.WAYNE-11

(11代表...我地的週年^^) 

 

今次也不例外, 準備了一張精美的COVER..今次的COLORFUL, 是為了迎接這裡的陽光海灘啊

我地幫襯的MR.CHAI的公司~~ICE FAMILY TOUR

架車好型呀~~入面藍色的

 

到達今次入住的第一間HOTEL : ASPERY HOTEL

深夜了, 大堂只得兩個STAFF+我地四人

 

Check-in時發覺房間no.是10x..問下係咪唔係high floor? 佢先話: 你要的可以安排, 不過只得一間, 要同朋友分開了..

oh, 咁梗係唔駛喇..我要我們在一起!!

 

結果104&105成為我地4人的房間~~

 

good room!!

有大床, 有wifi, 有露台, 有samsung tv, 有dvd機, 俾埋connecting room我地, 仲想點?

 

小事故: 回到酒店, 打開notebook想過相入去時, 發覺那card reader同spare的8GB card唔見左!! OMG!!!

究竟係邊度唔見呢? 飛機嗎? 定係MR.CHAI架車???...wuwu...不過呢, 出來玩, 唔好俾野影響心情...小事小事.....

 

好好的睡覺, 明天要早早起身呀!

上篇: 泰驚喜。前傳

下篇: 泰驚喜。DAY2。Aspery早餐 / Local tour