失驚無神泰驚喜。Day2.3。Raya Island (驚嚇篇)

6月11日..DAY2 (續)

RAYA ISLAND...PART II

俗語有云: 欺山莫欺水..榮少, 我給你一個驚喜之旅, 你給我一個驚嚇, 嚇得我溫柔盡失


Lunch後, 終於來到今日的重頭戲: the beach of racha!! 好開心呀, 真係有機會重臨呢個人間天堂...

點知呢..由於季節關係, 今次來到竟然極大浪! 大浪到不能停泊上岸, 不能在附近浮潛, 更不能優遊自在咁游水...太大浪了吧...oh....

雖然如此, 都無損我的雅興!! 來到就要盡情享受^_^..睇下風景幾靚~~~

沙依然幼滑呢

好喜歡呢張..浪泊岸的一刻...榮仔笑得好自然呢...

跟2004年相比, 今次的水真係無咁清..可能d浪捲起了沙石吧..真係好大浪呀!

敏儀個樣...笑死我...好似俾人擊左一掌咁..wakaka

陽光出來的時候, 水被打成藍綠色, 愛死!!

thx敏儀同我地影左好多合照呀, 好多都好靚, 多西!

唔熟水性的榮仔租了一個滑板, 原來係令我擔心的開始...

玩左一陣, 想去買gelato食..涼下先

有得試的, 最後揀左chocolate 同mango

 

 

the racha係top ten island resort之一, good for honeymoon呢(不過要留意季節, 應該10-3月會較好)

呢d咁既out-focus相, 明顯唔係我影啦= =" 

 

小休之後, 榮仔去換左個水泡玩浪...玩得好開心, 呵呵~~

 

呢浪其實都有少少技巧的: 等浪差唔多埋到來, 隨住佢既節奏~~跳起!! 應該叫做"迎浪"...hehe

睇下幾勁!!

如果夾唔啱時間, 做唔到迎浪, 咁會點呢? 就係反艇===>

反左好多次, 飲左好多水...(連埋之前同妙c既就咁用身體去玩, 好似俾個海一巴二巴咁車埋黎, 加加埋埋起碼飲左2Lit呀!!

!!戲肉到喇!!

輪到榮仔玩, 我幫佢影相...

 

唔識游水既佢, 好似好自由自在hea...始終玩迎浪都要不斷嘗試的...

d浪都幾勢兇夾狼..依張相榮仔就係在高高的浪上

天氣咁好, 我轉身來幾張自拍...

影完之後, 我令返轉身, 發覺榮仔飄左去好遠喇...(只係短短數十秒)...因為見到佢愈來愈出, 開始有點不安, 忍唔住大叫佢好返來喇...當時唔知佢聽唔到, 定係佢已身不由己, 我只見到佢身影漸遠, 遠到佢身邊得好少好少人...到無人!!

我不斷大喊佢"快d返來啦..愈來愈出喇"!! .....叫左幾次後, 隱約聽到佢話"返緊, 但返唔到來"~~~嘩~~~!!!!!!!!!!!!!!!!!!!!!!!!!!!!

嚇死我

我狂叫佢"游快d啦...出力呀"(因為我知再唔發力, 真係會比d急浪捲左佢出去)...果刻好驚,好驚, 驚到唔識叫救命(只想留100% concentrate係榮仔度), 唔顧得自己破壞左個beach的寧靜歡樂, 更加唔理當時有唔少香港人在場...因為...我真係有感到"老公唔係就咁就離開我麻"的感覺~~~真係好驚呀!

我自己都愈行愈出, 企係浪口係咁等係咁望, 亦不斷俾浪打中, 不停飲水...wuwuwu...最激果下直頭將我個潛鏡衝爛左! 差d連由頸上衝了出來的相機都執唔住= =:

...終於返到來了...我第一時間發狂咁打佢罵佢...因為真係好驚...驚到成個人震晒(等佢返到埋來先咁震出來)...我叫佢之後咁多日都唔好玩水喇!



123返到埋沙灘椅上, 發覺整個人都好慶, 係燒燒地既慶,呼吸都不能順(應該係受驚過渡的症狀)...wuwuwu...我明明係唸住做幾日溫柔的女人仔, 點解要我在來到布吉還未到廿四小時就破戒??

俾我打罵到體無完膚的老榮~~~(我有幾傷心, 就打得你幾甘!)

gugu的身影, 代表了我對racha的又愛又恨

恩: 你仲敢去???

榮: 我去沖下d沙咋......

(其實你知唔知我係怕你身影漸遠....陰影呀~~~)

ps: 榮仔意外之後, 還發生多一次同類型"意外" (仲黎??)

今次既主角係敏儀媽...話說當我打罵完榮仔後, 齊齊上岸回沙灘椅定驚, 路上遇到敏儀正下水去, 榮仔將那可惡的水泡交左俾敏儀, 就係咁, 另一場可怕的嚇人事件又發生了...

在沙灘椅上休息中的我, 嬲到要瞓低冷靜下, 妙c在旁不斷安慰...一陣之後, 榮仔話敏儀有d似佢頭先咁, 愈來愈出...佢走出去叫敏儀唔好咁出啦.....

再一會, 妙c望兩望話: 咦, 唔係出事麻, 唔好嚇我wor...嘩...真係唔好嚇我wor...~~邊講邊跑了出去~~

就在妙c落到水時, 一個大浪剛至, 敏儀消失左~~~~剩返個穿左既水泡殘渣！! 榮仔當時急得大叫"HELP! HELP!!", 數秒後, 見到敏儀媽隻手喇...妙c游出去拉佢返來......

(事後才知道, 原來最初榮仔申手去想拖敏儀返來時, 敏儀意會到榮仔想要水泡, 咪除出來俾佢lor, 那千鈞一髮之間, 浪打到埋來, 將水泡都整爛埋, 形成嚇人的場面!) ~~~ 好彩大家都無事, 亦俾榮仔明白到, 點解我頭先反應咁激~~~ 因為當時人係睇唔到個situation有幾恐怖!







再來一次定格, 真係欺山莫欺水!

上篇: 失驚無神泰驚喜。DAY2.2。Raya Island (浮潛/Lunch)
下篇: 失驚無神泰驚喜。DAY2.4。回酒店/Patong night