水口摩蜆記

rainny day

今天是初十五.  點解記得? 因為阿妹同達達嚷著要去摩蜆~~這個童年玩意~~佢地話初一, 十五係潮水大退日, 最好摩的..好吧, 就來玩一次啦~~gogogo~~

食過早餐後, 11點由沙田出發~~放低車在東涌, 轉巴士入大嶼山水口.

今日係easter, 當然有好多人啦, 全車爆滿...未到達前, 俾我見識到達氏兩口子的驚人行俓~~~完全唔駛睇邊到落車!!!only睇沿途風光!!! 當時我地坐得遠, 電話收唔到...在之前阿妹俾過map我睇過兩眼, 好似差唔多, 但佢兩個又無咩反應...唸唸下唔對路, 大聲問一句, 得出既答案係 : 唔知呀~~!!

即問司機, 原來已到了!! 立刻落車..好彩..唔係就入左去大澳喇...你兩個...仲唸住今日大安旨意有人帶添...我唔得咁架...嚇死..

落車後又唔知邊個路口落, 達達同榮仔問士多阿嬸

佢地話 : 前面落見到球場 / 牛場, 再行就啱 (咁...究竟係球..定牛呢..)..唔理喇, 見路就行喇~~跟住見到牛..一隻..兩隻..十隻!!!仲唔係"牛場"?

咁繼續行啦...經過好似去左朱羅紀公園咁既牛場, 見到個灘喇!! hoho~~~

開始我地既摩蜆之旅~~

阿妹話, 個地好靚呀..唔似佢地昨天那個咁肉酸 (無錯, 佢地昨天先去完另一度摩)

 

 

 

阿妹話3:15am係大退中既大退...我地期待...在2點幾時潮水已退到很出很出了...一定大過維園好多好多...我地應該企在海中心了...其實當時不斷有些雨粉...

忽然, 愈來愈大...大到咁 ===>

乜到睇唔到~~~help~~~

(呢張相係我千鈞一髮時拔機影的...自己覺得好正.....當時, 真係拔出來的啊...你幻想下那時的大兩, 我要兩隻手先扶得住既傘..我豪了一隻手出來, 打開濕透的袋, 拿起相機~~chap!!!~~~)

事後, 我地都無力再影喇...雖然未夠3:15pm, 但無辦法, 要走了...四個水人...如果在清明, 其他人見到我地由沙灘行上來, 都唔知會唔會以為我地係....OMG!!

我地身上既水滴到返東涌...p.s: 回程行返上大路時, 真係見到個球場...所以個士多阿嬸係講牛場定球場呢...