咖哩雜菜雞翼

好耐無整過咖哩喇...一直好懷念在馬拉買的咖哩粉, 雖然唔係太辣, 不過多夠香..今日想整咖哩, 放棄用一貫用開的"冠益咖哩油", 走去雜貨舖買不知名的咖哩粉, 深信阿姐介紹必有好野...結果?...

材料 (絕對係妹仔大過主人婆, 因為我地對呢d妹仔的喜愛程度極高) :

雞翼 , 薯仔 , 洋蔥 , 紅蘿蔔 , 蕃茄 , 干蔥 , 青蔥 , 紅椒 , 咖哩粉 , 椰汁

所有材料洗淨切好                       

-炒香洋蔥 > 紅蘿蔔 > 薯仔 ~備用

-先爆香 干蔥 , 青蔥段 , 紅椒

-加油及加入咖哩粉炒至香味出來, 放入洋蔥,紅蘿蔔,薯仔, 加鹽糖調味後加水炆20mins

-雞翼先煎香表面, 再加入咖哩中兜勻...炆20min (自行調節), 放1小舊冰糖

-最後加入椰漿~~食得!!                         

呢個看似小野既碟頭飯, 其實好多功夫呢...           

p.s.: 可隨喜好加入其他配料如魚蛋, 丸子...若愛杰身可打"hin"收汁

p.s. II : 呢個話來自新加坡的魚蛋在凍肉店有得賣, 外型好似海參, 幾彈牙的...不過我覺得最佳食法係BBQ!!