合家變泰DAY4(29/2) ~ 4.2

唱完錢舒服晒, 繼續我地既行程...

又一次行左入去boots, 買了一些實用的手信 (高吉語 : 又入去? 一日入幾多次呀...係咪有病架..成個bkk淨係得呢樣野睇咋咩...攪咩呀..((下刪數十字)))

其實siam square都有唔少野行的..由其係高吉, 佢行得好開心, 多次講why唔早d來行..呢d野咪好睇lor...佢在呢度買左件咸蛋超人T..全球獨家的!...另一間想睇既T-shop..closed喇..sorry呀高吉, 下次同你去過啦(講到好似去旺角咁easy咁:p)

又係食飯既時侯~~今日去呢間食 : Ban Khum Mae

我地身後有人在表演泰式歌舞

由於阿妹很想飲的椰青到今日為止都未嘗過, 故這餐在點菜前, 先叫了4個coconut young~~~可是, 再一次 : finished!!

呵呵呵...連呢間正宗泰菜館都無..阿妹..只能認好黑仔..

為了知道實況, 我同高吉決定點了這個給你 : curry seafood in coconut young~~~飲啦!!

食完呢餐, mami本想返去了..不過高吉強烈要求去hard rock, 佢話要買t-shirt...原來每個地方既hard rock都會出當地的tee..呢度係bangkok, 最後高吉買了一件

 

 

Siam square街境...好得意既牌       

 

 

是日行程完晒? 未啦!! 今日係我地在bkk的最後一夜, 一致決定去水門買宵夜返去酒店食..點去? 話近唔近..坐Taxi啦..截到taxi仲要"猜meter"同無兜路, 好開心wor~~

1 : 串燒 ~~ 60bhat/15pcs  (我個頭咁既...)

2 : 油炸鬼(3bhat@)+咖young醬(20bhat)                           

 

3 : "cow 忟介" ~~ 30bhat@

4 : Mango rice : 60bhat (另有80bhat)

買齊晒就坐taxi返去...邊到坐? 就在旁邊跳出去截lor...問左3架先上到..anyway好彩都截到 (呢個時候我想話俾榮叔知, 今次既旅程99%係由我截車的...)

話咁快, 返到hotel喇 (其實事前已check過,水門距離我地酒店係好近...如果唔駛甩路的話)~~是日戰績....好多嗎? 才不算吧..成家人的戰果了..

洗完白白, 又開餐喇~~                                                          

呵呵.呢餐真係好味..樣樣都好味.  我覺得, 來bkk唔去水門買宵夜, 一定會若有所失..

 

 

呢餐我地只係用左212bhat(=hkd53)...你話抵唔抵?...飲野唔駛買, 因為我地住既deluex room每日有兩罐soft drink/juice送..呢個時候用得上, hehe~

次次去玩, 都唔少得影番張大合照...不過今次有d攪笑, 因為重點shopping在明天..即係..依張晒冷相將不會係戰品的全部  

是日太攰了, 明天亦要早起..所以唔玩鋤大D喇...爭取時間休息

good-night^-^

第4日完