中Jam毒...

中毒了...好一個天然呆的人...唱片仍未出, 已有一大堆歌迷...總有原因的...

平時說話很省字, 唱歌時專注得很動人~~以下就係其中的好例子...真係好好笑...kakaka

上"康熙來了" 與小S唱新不了情(超好笑)+霍元甲自彈自唱(crazy...) @2007 june


上"大小愛吃" (上集part2) @2007 july

好好玩的臉部辨識

阿依send左以下呢個面孔識別功能的game俾我...第一.二次玩時, 簡直停唔到手...

乜我似上戶彩咩?  (唔係掛...佢靚好多好多wor...)

懸崖~蕭敬騰

記住他的名字 : 蕭．敬．騰

從台灣的節目"超級星光大道"中發現了他的吸引力 ~~ 一位Live的強人....好有魔力的聲音, 好charm的唱歌樣子 (我指明係唱歌時的樣), 那天然呆的感覺...強!

這是很impressed的一次live preformance

 

有一種快樂

動人的旋律+夕爺有意義的歌詞+sammi有力的嗓子=好好聽的一首歌

由現在的sammi去唱, 我唸唔到有其他人比佢更適合.
從我投入你不相似的世間

迷暈黨之強戰回歸

小心, 小心..

以下就係由老友靜宜提供的info...迷暈黨又回來了

仲有好多網友回應了有似類似經歷..再次喚起大家行街時要有所警剔:

請各位轉寄出去，好讓各人提防。 
 

事發位置大概在尖沙咀加連威老道的 bossini 附近，突然有一個年約 35~40 歲的女人，外表實在不像壞人 ( 啊呀 !!? 不要再以貌取人 ) ，髮型 -'running' 長及至膊頭，她捉住我的左手對我說 : 『小姐你係咪著中碼衫架 ..... 冇野架 ..... 我問下咋 , 你係咪做 model 架 。』不知不覺我巳開始感到暈眩，我撇開她的手，用最快速的步伐向前行 ( 講真我的手 腳行動巳開始感到遲緩發軟 ) ，但我看不見有煙的物體，很厲害，她只是對我說話， 30 秒也沒有呀 !!!!  
 
我知道我巳快撐不下去了，於是我入了中華電力坐下，我休息約 10 分鐘後，看見前面有間 7-11 便行過去 ( 我巳觀察了有沒有可疑人物才離開，其實根本沒可能發現他們呀 ) ，我一心想著買白花油令自己醒過來，我付錢後企在 bar 搽油 ( 我隔離一直企著一個女人，不是之前那個 ) ， 我本想離開 ( 我亦看見那女人巳走 ) ，我未出門口 ( 因為我大嫂剛剛 call 我叫在 7-11 等她 ) ，我再返回 bar 那女人突然返回 ) 她向我說話，我 知道他們 ( 迷暈黨 ) 定不會放過我，於是我出去那些人多的店舖 ( 心裡希望大嫂快來呀 ) ，我不停穿梭那些人多的店舖，最後大嫂來了 ......... 。我並沒有財物損失，但請各位人事轉寄出去，好讓各人事事提防 ( 尤其女性 )!!!!!!!!!!!
 
請不要立亂同陌生人說話呀 !!!!!!!

___________________________________________________________________
有人回應
我相信係真嫁！因為今個星期三晚 , 我 o 係銅鑼灣都試過類似情況，行經 Timesquare 附近，有個女人行過我身邊用手摸 o 左我膊頭一下叫停我，好慢 o 甘同我講：『 Miss... 唔該 ...Miss... 我想講 ... 』。我都聽唔清楚佢講咩，只係突然覺得唔多舒服同頭暈，我無理佢諗住繼續行，但仲貼埋 o 黎想再講 o 野，o個時感覺怪怪地 o 甘，好似聽極都聽唔清楚佢講咩，佢有想扶住我嫁，但一見我朋友行過 o 黎佢就慢慢 o 甘行開。雖然我冇手軟腳軟，但就好頭暈同埋對耳仔好似塞 o 左 o 甘， o 個種唔舒服同頭暈要直到我坐低抖 o 左成廿分鐘先散。原本我仲以為係自己唔舒服先頭暈，但睇完上面個 email 之後 , 就覺得可能同 o 個個女人有關。所以無論男女，大家出街真係要萬分小心！

各位朋友請注意

!!!!!!!!!! 小心 !!!! ! 小心 !!!!
如果唔係自己親身感受過都唔知原來迷暈黨咁厲害

 

************************************

                         yannie發言：                         

　　tata喚起了原來我在旺角都有呢個經歷..有次由旺角火車站行落去旺中的天橋上, 有位阿姐同我講野..起初我唔知佢係咪同我講野, 而且當時的以極速步行緊..回頭望一下係咪有人叫我...回頭時我見到一位非常平民百姓樣子的阿姐, 笑笑口問我著咩碼...但我隻腳係未停得切, 只係放慢了兩步..之後我亦不明所以笑一笑就繼續行了...如果佢dub停到我, 唔知有咩事發生了.. (不過榮叔都係在附近姐)

這件事就在3月的某個星期一

再次提醒自己同大家都要小心一點！！

伍晃榮

剛才阿妹話我知, TVB在新聞最後的時刻告訴了我們一個news~

資深前新聞播導員伍晃榮於6:35pm逝世

1940-2008

佢那句"波係圓既", 我唸無人會唔記得.

佢那幽默精警的報導方式, 令人非常醒神.

小人物大故事, 就常常在你我身旁擦過.

 

祝福你及你的家人.

 

椰汁胡椒豬肉

呢排成日整馬豆糕, 今日留返少少椰汁, 用來整呢個餸...(呢個餸無譜的...隨意創作, 大家有時間可試試)

黑椒蝦

天熱, 有涼風

前幾天食過kelvin整的黃金蝦, 突然想煮黑椒蝦...落街市睇下買唔買到蝦再算~~

(一會後......)買到呀!!! 雪藏海蝦, 盛惠$32/斤~~~好抵wor, 啱晒要來做實驗^.^ **同埋根本我就係好怕生蝦的..佢郁一郁我就真係生蝦咁跳喇~~所以呢隻真係perfect喇.

黑椒蝦

材料 : 中蝦一斤, 干蔥, 青蔥, 蒜頭, 紅椒適量

-蝦剪去腳和頭尾尖位, 洗淨隔去水份

-將洗淨的蝦飛水~~煮至6成熟~~隔清水份 (很重要!!!)

-將切好的干蔥 > 青蔥頭 > 蒜頭 > 紅椒, 依次放入wok爆香, 再加鹽糖兜勻

-放入乾身的蝦, 加入蠔油, 豉油(生抽+老抽, 或甜豉油), 胡椒粉, 炒勻

-加入黑椒碎再炒

-最後放入青蔥碎, 麻油, 熄火後再兜勻...完成!!

p.s. : 兩個step都要隔清蝦的水份; 另外以飛水代替泡油, 一來減少油份, 二來可使其夠乾身(因為若將生蝦直接放入wok煮, 會出水的)

今次成品個樣都幾滿意, hehe....            

黎多張先...kakaka...成個過程最煩係洗蝦..真係幾嘔..不過我地兩個都好like食蝦, 所以要努力克服先~                                   

另一個餸, 係前兩日煮過的南瓜餅.  又整? 哈哈...我都話我係repeat人來啦..上次整得唔夠好...同埋今日行過見d南瓜好新鮮, 所以買左一份...好大的一份...所以明天都係食佢..kaka

今次隔去更多的水份, 直接加麵粉及改放薯粉入去, 結果...好食得多呢...good喇今次...(我地都係燶人, 要脆邊, 所以咁既色..hoho)

 

煮飯婆 (琵琶豆腐)

天晴

今日格言 : 我要做家務!!

當然包括煮晚飯同榮仔撐枱腳~~一直都無乜post過我地既二人世界餐, 今日post出來先...其他的都係按日子post回..要"參觀"我整來整去果幾味, 可click返"私房菜館"...

是日晚餐為 : 琵琶豆腐 + 蒜椒炒椰菜 + 梅菜蒸肉餅

 

 

琵琶豆腐 :

魚肉 $7 (惠康價), 百福蒸煮豆腐1盒, 蛋1隻, 蔥適量

魚肉加鹽, 糖, pepper, 麻油攪勻 + 撻

加入豆腐攪勻, 加豆粉; 再加入蔥

放入雪櫃至少15-30mins

落wok前加蛋攪勻

落wok炸 (煎也可), 食前再翻炸一次減少油份和使更脆口

p.s.: 一般用布包豆腐, 因為較硬身...自己鍾意用百福呢隻, 因為夠滑同豆腐味強好多, 加入魚肉前盡量壓出水份便可

again...Kelvin house warming

天晴

一連兩星期去了kelvin屋企~~又一個粉嶺友回歸了, yeah!!

上星期BBQ時, Danny講起很愛食貝類海鮮, kelvin二話不說就再預留最近的檔期給大家了~~這個好男人在早兩日已SMS了Menu給我地"過目"~~好認真好認真..

今日我地的6人大餐有 :                                                              

豉椒炒聖子                                                  

黃金海蝦                                                                      

蒜容粉C蒸扇貝...張相係未煮的..細心的大廚去晒穀, 好干淨        

                                            

蒸海魚                                                         

鹽水大蜆

梅菜蒸菜芯                              

燴露筍                                                         

 

香煎雞翼 (我同榮仔唯一的貢獻)

你有男性朋友可買, 洗, 切, 煮, 清場一手完成的嗎? 很榮幸, 我認識一個

A thousand thx to my dearest Kelvin...下次唔好整喇, 我地叫外賣, 齊齊打Wii啦~~

(以下係佢prepare好的場面..自問無佢處理得咁企理...)        

 

p.s.: 今晚係一年一度的金象獎, 對我而言最大的看頭當然是sammi~~那幕鬥close up真係笑死我..kaka..sammi真的變了, 那份由心而出的笑聲, 真的很好~~終於能釋懷了, 多好~~

Cheese雞翼

哈哈..超簡單的一味..

雞翼係昨日在kelvin家BBQ中Q剩拿回來的 (我地唔要浪費), 煎好後加塊cheese焗5mins攪掂!

蝦仁炒蛋 + 香煎南瓜薄餅

是日menu : 蝦仁炒蛋, 香煎南瓜餅, 烚青菜

蝦仁炒蛋

鮮蝦仁$13 (惠康價) , 蛋6隻, 花奶, 蔥, 水適量

-蝦背界開挑去腸, 以生粉+鹽洗淨 (用水沖走), 再以少許麻油+pepper腌一會

-少訐蒜客爆wok, 煎熟蝦仁 (剛熟便好)

-蛋發開加少訐鹽, 糖, 水, 適量花奶, 蔥打勻

-放入蝦仁於蛋漿內再打 (盡量打入多些空氣)

-燒紅wok後改中慢火, 邊落蛋漿邊炒至喜愛的蛋熟程度

p.s. : 加水加奶使蛋更滑, 用中慢火不斷炒就做到嫩滑效果

香煎南瓜薄餅

南瓜$6 (惠康價) , 攪碎瘦肉$6 (惠康價) , 蛋1隻, 蔥

-南瓜蒸熟, 加少訐鹽糖壓成容, 盡量隔去水份

-生粉, 麵粉加水攪成漿, 加入南瓜容拌勻

-攪碎瘦肉炒熟, 加入南瓜容, 蛋, 蔥, 拌勻

-中大火煎香即成

p.s.: 很多食譜用薯粉, 因為無特登買所以用生粉代替...下次再整時會小心隔去南瓜水份, 咁就成南瓜餅而非薄餅喇...仲有, 我地鍾意香口野所以燶d..老友記唔駛煎到咁燶

 

一天感動一世

天晴...熱喇...

今日再睇返前日榮仔攞返來的DVD~~Jack佢地重做俾我地的~~本來唸住check返隻碟有無問題, 但一play, 又不其然看呀看...畢竟每一part都那麼開心, 那麼值得再三回味..

今日的感受是 : 漸入佳境~~~ 哈哈, 沒有了客觀分析拍成點, 剪接製作如何, 只是好主觀去睇當中的每個時刻~~每一刻都好好睇

當睇到註冊後的合照時間, 同每一賓客都玩得好開心(那V字手真被阿jack quote得合時合心)..見住每一個來臨的親友, 那熟悉的隨意歡笑..這是我與榮仔unique的婚禮, 突然覺得好感動...竟哭得出來..哈哈

還有, 真的很想向每一位逐一道謝~~感欣感覺愈來愈深~~親人好友, 我愛你們!

p.s: 所有婚禮事項真的完成了..我那個報告..也真的要交了...

恩榮記餃子

好耐無整過餃子喇..原因之一..榮仔唔太欣賞...以前在沙田, 我地整親餃子都淨係食呢味, 食好多好多, 食到飽為止, 感覺好滿足~~

榮仔呢, 佢話就咁食好怪, 一定要煮個麵wor...即係食少d啦..哼

材料 : 方型水餃皮斤半 , 攪碎豬肉$18 (惠康價) , 白菜仔$10 (惠康價...好貴) , 椰菜1個, 冬菇數隻, 蛋1隻 , 蔥適量

-冬菇浸軟搾水切碎備用

-白菜洗淨烚至6成熟, 搾水後切碎 ; 白菜切碎洗淨

-肉碎醃過至少30mins, 分成兩份各放入大湯碗中, 分別加入白菜 / 椰菜, 冬菇粒

-加入適量鹽糖, 豉油, 雞粉, 麻油, 生粉, 以手搓勻, 雪至少15mins

-用水餃皮包好 (一定要確定無空氣在內), 放入滾水煮8-10分鐘即成

                                               

 

加埋榮叔自己撈的烏冬, 成為我們今晚的豐富晚餐^^

 

白石俱樂部 完全唔係路 ~

呢個係我朋友cc的親身經歷..呢d咁差既地方, 下次去BBQ時唔駛唸佢喇..

活動：ＢＢＱ
人數：４人
日期：2008年4月5日
地點：白石俱樂部（又名海天白石ＢＢＱ）位於馬鞍山
燒烤預算：＄３１０（開爐費＄８０＋海鮮餐＄２３０）

態度惡劣

東部華橋城II

來到茶溪谷, 入面又分為3區 : 濕地花園, 古翁茶鎮, 三州茶園

我地行了一圈, 當然沒有行晒, 就按有的時間去行一個小圈啦.

先來到濕地花園...

東部華橋城I

好濕好濕

好想同榮仔去玩.  今次的一天遊有好多又驚又喜的時刻~~

喜 : 上次easter買唔切車飛, 今次醒左早幾日買定喇~~hoho

驚 : 昨晚睇news先知道原來今日係大陸第一年落實的public holiday, 千避萬避, 偏偏又會買個正著 (阿妹你仲話check左..)..anyway, 唔買都買左..唔去嗎? no way~~唯獨希望唔好遇上君美3.8那天的境況..

喜 : 去到站頭見到好多好多人排晒長龍, 好彩我地唔係坐呢架..第一次由沙頭角過關, 感覺很舒暢, 因為都不用點排隊...又一次長龍遠離我 (以為)..

驚 : 長龍遠離我..只是以為..當到達覽車站時先知道長龍一直在等著我們

懷舊粉仔

細個在carmen屋企, 耐不耐都會食到呢個粉...黎auntie話佢叫粉仔...

因為呢粉都係DIY ~~ 咁好玩又好味既野從此愛上^^

今日來懷舊一番先.

粉仔 : 麵粉適量, 鹽少訐, 冷熱水適量 ~~~

湯底 : 濃湯寶雞湯, 白蘿蔔, 旺菜, 叉燒....其餘的隨自己喜好而加~~~

1. 將鹽加入麵粉, 加熱水再加冷水搓至粉團, 以濕毛巾蓋好放入雪櫃備用

2. 將粉團分成幾份, 壓平, 再切成幼條 (好似銀針粉咁上下長)

3. 把粉條邊切邊放入已準備好的湯底內, 煮熟即食

p.s.: 切粉條時加些麵粉防"痴"手..以及在最後都加些麵粉在湯內使其變杰身

由於處理粉團時手太多粉, 所以無影相...以下就係成品...

 

 

i am, what i am

天涼

昨天還是濕濕熱熱的天氣,今天突熱急降~是因為你嗎?

5年了...


我就是我, 是顏色不一樣的煙火

http://www.youtube.com/v/hNjvKEYBq3s&hl=en">< a> name="wmode" value="transparent">http://www.youtube.com/v/hNjvKEYBq3s&hl=en" type="application/x-shockwave-flash" wmode="transparent" width="425" height="355">